حيدري، مرزا قنبر علي بيگ: مرزا قنبر علي بيگ ولد مرزا منوهر بيگ، 25 آڪٽوبر 1906ع تي ڳوٺ ٽنڊي ٺوڙهي ضلعي حيدرآباد ۾ پيدا ٿيو. پاڻ بي. اي، ايل. ايل. بي پاس ڪري وڪالت شروع ڪيائين ۽ پوءِ سيشن جج ٿيو. آخر ۾ چئرمن انڊسٽريل ڪورٽ ڪراچي مقرر ٿيو. ڪرڪيٽ ۽ ٽيبل ٽينس کيڏڻ، ٽڪليون ۽ سڪا گڏ ڪرڻ، جانور پالڻ، مختلف ساز وڄائڻ، راڳ ڳائڻ ۽ شعر ۽ شاعري هن جا خاص شغل هئا. شاعريءَ ۾ رهنمائي پنهنجي والد کان ورتائين. هن حمد، نعت، مرثيه، سلام، نوحه، منقبت، قصيده، غزل ۽ ڪافيون لکيون. سندس ڪجهه ڪلام ۾ مزاحيه عنصر پڻ شامل آهن. سندس شاعريءَ جا ٻه ڪتاب شايع ٿيل آهن، جن ۾: ’ڪليات حيدري‘ (اردو) ۽ ’ڪليات حيدري‘ (سنڌي) شامل آهن. هن 25 سيپٽمبر 1972ع تي ايران جي شهر مشهد ۾ وفات ڪئي، کيس اتي ئي خواجه اباصلت مقام ۾ دفن ڪيو ويو.
1906.10.25 عيسوي
مرزا قنبر علي بيگ ولد مرزا منوهر بيگ، 25 آڪٽوبر 1906ع تي ڳوٺ ٽنڊي ٺوڙهي ضلعي حيدرآباد ۾ پيدا ٿيو.
1972.09.25 عيسوي
هن 25 سيپٽمبر 1972ع تي ايران جي شهر مشهد ۾ وفات ڪئي، کيس اتي ئي خواجه اباصلت مقام ۾ دفن ڪيو ويو.